أحمد يونس يحكي قصصا إنسانية: رجل بسيط لم يقبل شراء محمد صلاح سيارة له
الأحد 28 فبراير 2021
https://watanimg.elwatannews.com/ima...1589226426.jpg
أحمد يونس
كتب:منة العشماوي
حكى الإعلامى أحمد يونس، مذيع برنامج «صباحك مطرحك» على إذاعة 9090 ومقدم برنامج «أتوبيس السعادة»، المذاع على شاشة فضائية «dmc» خلال حديثه في ندوة «الوطن»، عن أبرز كواليس برنامجه التليفزيوني الخاصة بشخصيات بسيطة الذين حققوا إنجازات إنسانية بدون أي مقابل.
وتحدث يونس خلال الندوة عن طفل في مدرسة عثر على 25 ألف جنيه وإعادها إلى صاحبها بمنتهى البساطة وفقا لوصفه: «رايحين نكرمه ونصوره ردود الولد أنا مش عارف أقولها الولد بيكلم كلام جدعنة بيقولك أنا لازم أعمل ده وده الطبيعي اللي اعملوا لما ألاقي حاجة دي أمانة ولازم أرجعها».
واستكمل مقدم برنامج «أتوبيس السعادة» حديثه قائلا: «قعدنا مثلا ساعة بنتحايل عليه عشان نديله هدية مش راضي أبدا».
كما ذكر يونس قصة رجل مصري ورث عن والدته ووالده مبلغا نقديا قرر شراء بها سيارة من أجل نقل مصابي الأورام السرطانية من مكانهم إلى المستشفى: «بقولوا بتصرف عليها منين قالي ربنا بيرزق قولنالوا بتاخد حاجة من حد قالنا لأ قولنالوا طيب هنجدد لك العربية هدية، لأننا عندنا فقرة في البرنامج اسمها الفرحة بنكرم فيها الناس، المهم قال لأ محمد صلاح كلمني قالي هجيب لك عربية وأنا قولت لأ، قولتلوا فعلا قالي أنا مش محتاج وأنا راضي».
وشرح مذيع برنامج «صباحك مطرحك» على إذاعة 9090، أنه خلال برنامج «أتوبيس السعادة»، يلتقي العديد من الناس الذين يتصفون بالكبرياء والأدب والجدعنة: «الناس دي بتجبركم أن لازم تحترموها الموضوع مش تجارة واستغل ده في الناس لأ أنا مش بحب أعمل ده، إحنا اتفقنا أننا نفرح الناس لو هنتسبب أن الناس هتجرح مبقتش فرحة».
www.facebook.com/watch/?v=447370319809672
